Níundi

Níundi í verkfalli.
Ég fór áðan niður í Borgartún 21 þar sem Ríkissáttasemjari er til húsa. Þar voru mættir nokkur hundruð kennarar til þess að sýna samninganefndinni að við stöndum við bakið á þeim.
Nemendur úr KHÍ komu fylktu liði með kröfuspjöld sem var frábært hjá þeim.
Núna er samninganefndin að störfum. Fróðlegt að sjá hvað kemur út úr því.
Launaseðillinn kom í gær. Útborgað: 0. Laun og aðrar greiðslur. - 33.000 (mínus) Doldið spes.

Í gær fór ég í Þjóðminjasafnið enda frítt. Þar voru margir kennarar sem ég þekki og næstum því eins og reuninon hjá Kennó. En mikið rosalega er þetta flott safn!!! Við getum verið virkilega stolt af þessu. Mér fannst skemmtilegast að skoða á efri hæðinni og brúðkaupssýningin var frábær. Mæli með henni.

Jæja, ég ætla að föndra í dag og fara á konukvöld létt 96.7 í kvöld.

Kveðja,

Sjöundi

Sjöundi verkfallsdagurinn.
Nú fer þetta að hætta að vera sniðugt. Ég þarf alvarlega að fara að finna mér eitthvað sniðugt að gera. Hugsanlega fer ég og kaupi mér jólaföndurdót. Ég er í algjöru letikasti í dag. Nenni engu. Nenni ekki að taka til, nenni ekki að taka einn skáp. Bið eiginlega bara eftir því að geta sótt krakkana.

Ég fór í leikfimi í morgun og var mætt kl.6.00. Mér fannst gáfulegt að mæta svona snemma til þess að detta ekki úr "mætasnemmaámorgnana" gírnum. Ég fæ eitthvað geðveikiskikk út úr því að mæta í leikfimi um miðja nótt. Það er greinilega fleiri geðveikir en ég því það var alveg fullt í morgun.

Við kennararnir hittumst í gærmorgun svona aðeins til að þjappa okkur saman og til að ræða málin. Það var mjög fínt. Mér finnst nú enginn bjartsýnistónn í fólki, en á meðan ekkert er rætt saman gerist auðvitað ekkert.

Meira síðar,
letipúkinn.

Scooter rúlar

Góðan sunnudag!

Hver hefði trúað því að ég færi á Scooter tónleikana og ég fór líka síðast!!! Þessir tónleikar voru í boði VISA. Takk fyrir það.
Ég skemmti mér konunglega enda kann ég öll lögin með honum. Við sátum í stúkunni til að byrja með og svo fórum við niður á gólf.
Meðaldur tónleikagesta var frekar í lægri kanntinum en mér sýndist ekki vera jafn ungt fólk og á síðustu tónleikum.
Við hjónakornin vorum frekar gáttuð á útliti unga fólksins í dag. Í fyrsta lagi er annar hver í yfirvigt og virðist það ekki skipta máli þegar klæðnaður er valinn. Parið sem sat fyrir framan okkur gafst upp á að sitja hlið við hlið og fundu það út að það væri þægilegra að hafa eitt sæti á milli. (Spikið vall út um allt).
Í öðru lagi eru margar stelpur klæddar eins og bestu gleðikonur. Við rákumst svo á stelpuhóp á brjóstahaldaranum.
Í þriðja lagi voru allt of margir sem reyktu.
Ég bara spyr: Hvar eru foreldrarnir þegar þessir krakkar eru að útbúa sig til að fara.
EN.... það var gott að sjá að það voru nokkrir foreldrar sem voru greinilega þarna með krökkum sínum. Það eru þá til foreldrar sem er ekki alveg sama.

Síðan ég vaknaði er ég búin að vera að raula... FIRE..... How much is the fish????

Kveðja, Scooter aðdáandi nr.1.

Fimmti

Fimmti verkfallsdagurinn.
ÚFF... mér líst ekki vel á stöðuna. Nú á ekki að ræðast við fyrr en eftir viku. Ég skil bara ekki hvernig svona umræður fara fram. Samningar okkar eru búnir að vera lausir síðan í lok mars - fyrir 6 mánuðum. Hvernig stendur á því að núna skyndlega er allt komið í óefni. Hvað hafa menn verið að ræða fram að þessu? Ég hélt að það væri alveg á hreinu að kennarar setja vinnutímarammann í algjöran forgang. Hafa samninganefndirnar ekki verið á sömu fundum eða hvað???
Ég held að þessir samningar séu upp á líf og dauða fyrir kennarastéttina. Allaveganna er ég alltaf með augun opin fyrir tilbreytingu.

Ég er búin að lesa margar greinar og innlegg síðustu daga þar sem fólk (sem er ekki kennarar) er að spyrja hvernig standi á því að maður hafi farið í Kennó þegar það hafi verið alveg ljós í upphafi starfið væri ekki hálaunastarf. Málið er að þegar maður er ungur veit maður ekki hvað það kostar að lifa.
Ég gerði mér ekki grein fyrir hve mikil vinna væri á bak við þessi laun. Að vísu hef ég hækkað eitthvað smá núna því ég fæ aukalega greitt fyrir stigstjórnina.
Þegar ég miða við mömmu sem er búin að kenna í 30 ár lengur en ég þá er hún ekki með nema örlítið hærra kaup en ég. Mjög upplífgandi að hugsa um það, eða þannig.

Jæja, ég ætla ekki að nöldra meira í dag.

Ég fór í nýju Bónus búðina í morgun. Heilsaði Jóhannesi meira að segja. Þetta er ferlega flott búð og tími til komin að bæta þá gömlu.

Búin að vera hreingerningaróð í dag: Skipta um á rúmunum og taka til í barnaherberginu. Mér finnst mjög fínt að gera það þegar þau eru ekki heima því þau vilja vera of hjálpleg.

Bless í bili,

Fjórði

Fjórði dagurinn.

Byrjaði daginn á því að fara í sund. Fór í Laugardalslaugina. Úff... mér leið eins og ég væri komin í sund á Hrafnistu. Meðalaldurinn snarlækkaði þegar ég stakk mér til sunds. Synti á HRAÐbrautinni, en greinilegt að allir sem þar voru hafa misskilið hvað hraðbraut er. Synti heilan km. sem er bara ferlega gott hjá mér því ég hef ekki farið í sund svo lengi. Eiginlega er synd að synda... nei djók.... synd að halda þessu ekki betur við.
Þó að meðalaldur sundlaugagesta var hár í morgun sá ég hvað þetta fólk var í góðum gír. Greinilega fullt af vinkonum og kunningjum í búningsklefanum. Þegar ég svo kom fram var hópur af eldri mönnum að fá sér kaffi, svala ofl. Svaka stemning.

Kveðja, Sunddrottningin.

P.S. Er víst að fara í áframhaldandi eldhúsinnréttingaferð með múttu eftir hádegi.

Þriðji

Þriðji verkfallsdagurinn.
Fór í smá leiðangur í morgun ásamt samstarfskonu minni. Við vorum sendar í Korpuskóla og Víkurskóla til að athuga stöðuna. Það var bara gaman að skoða skólana og fróðlegt.
Þegar við komum tilbaka í verkfallsmiðstöðina var fullt út úr dyrum og allt of heitt þarna inni þannig að við ákváðum að láta þetta gott heita.

Eftir hádegi fór ég með mömmu í eldhúsinnréttingaleiðangur. Ég komst að því að ég er þvílíkt inni í þessum málum eftir innlit-útlit áhorf í mörg ár.
Verst að hafa svona tíma til spóka sér... ég sá gardínur sem ég gat hugsað mér og gardínur í barnaherbergið.
En.... ég verð bara að bíða þangað til verkfallið leysist og þá fer ég að versla.

Kveðja, Kennarinn í verkfallinu.

P.S ég er svo illa haldin af harðsperrum í dag að það er ekki fyndið. Fór ekki að æfa í dag en er að spá í að fara í sund í fyrramálið.

Annar

Dagur tvö í verkfalli.
Það er frekar furðulegt að vera í verkfalli. Mér finnst hálfpartinn eins og ég sé að svíkjast um. Er bara eitthvað að dóla mér.
Mér finnst líka erfitt að starfið mitt skuli vera svona mikið milli tannanna á fólki. Sjónvarpi, útvarpi og alls kyns skítkast hér og þar á netinu. Allir hafa skoðun á launum kennara og margir þykjast vita hvað við höfum það gott. Þetta sama fólk ætti nú bara að prófa að kenna einn dag og tala svo við mig.

Í dag fór ég í leikfimi eftir að vera búin að skutla börnunum í leikskólann. Tók góða æfingu og var ekki alltaf að kíkja á klukkuna eins og ég þarf að gera þegar ég fer snemma á morgnana.
Skrapp aðeins í Kringluna og náði að eyða smá hluta af gjafakortinu. Keypti mér gallabuxur og peysu í Vero moda. Hvað ætli séu mörg ár síðan ég keypti mér eitthvað þar??? Ég var mest hissa yfir því að ég passaði í buxurnar þarna.
Keypti mér svo belti í annarri búð.

Í morgun var ég boðuð á verkfallsvakt í fyrramálið kl.9. Spennandi því ég hef auðvitað aldrei prófað það áður.
Kannski ég fari snemma og taki góða brennslu.

Adíos......

P.S. Ég ætlaði aldrei að hafa þetta blogg svona dagbókar blogg en á meðan ég er í verfalli verður þetta hálfgert verkfallsblogg.

Fyrsti

Fyrsti í verkfalli.

Ja, hérna þetta er skollið á. Þá hef ég prófað það að fara í verkfall.

Dagurinn í dag var alveg ágætur. Ég veit ekki hvað er langt síðan ég hef haft tíma bara fyrir mig og það heilan dag. Ekki nóg með það þá sé ég fram á alla þessa viku.
Ég fór í WC í morgun og hitti þar eina kennaravinkonu mína (hitti hana örugglega í fyrramálið líka). Þegar ég kom heim var ég eitthvað svo óróleg, eins og ég væri í tímaþröng og þyrfti að ná öllu strax. Skúraði baðherbergisgólfið, setti í vél, gekk frá þvotti ofl. Fór svo í Bónus og Hagkaup og sótti krakkana kl.15.30.
Ég ætla að slaka aðeins á á morgun. Ætla í WC og sjá svo til. Ég hef ekki fengið neinar tilkynningar um verkfallshitting ennþá.

Verkfallskveðjur, kennarinn

Verður verkfall?

Verður verkfall???? Hvað verður það lengi???
Ég er búin að fá þessar spurningar ansi oft síðustu daga. Því miður get ég ekki svarað þessu en auðvitað vonar maður að þetta verði ekki. Útlitið er ekki gott eins og staðan er í dag. Í gær þegar ég fór heim "stalst" ég með 2 poka af möppum sem ég ætla að skoða ef það verður verkfall. Ætla að koma lagi á dönskuefnið mitt og landafræðina. Þetta er verkfallsbrot þannig að ef einhver spyr þá er ég að þessu núna, þ.e. 2 dögum fyrir fyrirhugað verkfall.
Ég ætla ekki að fara að væla yfir kennarastarfinu og réttlæta launakröfur okkar. En ég ætla að fara lauslega yfir síðustu viku sem var óvenju erilsöm.

Mánudagur: Undirbjó þátttöku skólans í Evrópskri samgönguviku. Ljósritaði blöö, fann myndavélar ofl. Undirbjó stigsfundinn, fann til bæklinga og fleira sem ég átti að láta kennarana hafa.

Þriðjudagur: Mætti 7.45 því nemendur mínir áttu að gera könnun á því hvernig nemendur og starfsfólk kemur í skólann. Heppnaðist svo vel!
Eftir kennslu kl.14.10 var stigsfundur sem ég stýrði. ÚPS............ ég man það núna: Ég á eftir að gera fundargerðina. Skelli henni kannski inn núna á eftir. Geri fundargerðina yfirleitt daginn eftir.

15.00-16.30 var aðalfundur í starfsmannafélaginu og svo fór trúnaðarmaðurinn yfir verkfallsmál.
Um kvöldið: Gekk frá námsáætlunum 6.bekkar.

Miðvikudagur: Undirbjó námsefniskynningu fyrir foreldra.

Fimmtudagur: Námsefniskynning fyrir foreldra.
Eftir skóla: Þurfti aðeins að fara yfir mál tengd Evr. samgönguviku. Var í 45 mín. viðtali við skólastjórann í tengslum við mastersritgerð hans.
Skellti vikuáætlun í tölvuna. Ég geri það einstaka sinnum til að gleðja krakkana. Þá þurfa þau ekki skrifa allt niður á föstudegi.

Kl. 18.40 þegar fjölskyldan var nýsest við matarborðið hringdi móðir drengs og þurfti rétt aðeins að tala (n.b. ég sagði henni að ég væri að borða, samt tók samtalið 7 mín). Djö...... dónaskapur.

Um kvöldið fór ég í óvenju viðburðarríkan saumaklúbb. Segi ekki meir.

Föstudagur: Fór með 2 nemendur mína í Höfuðborgarstofu í gatinu mínu. (Fæ það samt borgað). Dreif mig heim eftir kennslu.

Fyrir utan allt þetta sinnti ég hefðbundnum störfum: Kenndi, undirbjó mig, svaraði tölvupósti, fyllti inn í stundvísi, setti dropa í sýkt auga ofl. ofl.

Ég var beðin um að vera fulltrúi kennara í foreldrafélaginu. Það er 1 fundur í mánuði og greiddir 4 tímar aukalega fyrir það. Sagði já.

Já, svona var að vera kennslukona í síðustu viku!!!!

Um helgina er ekkert sérstakt á döfinni.

Kaupa kaupa...

Halló!
Fór í Kringluna áðan til þess að kaupa mér fullt af einhverju sniðugu. Ég fékk nefninlega bæði pening og gjafakort í afmælisgjöf. Ég ætla að fá mér leikfimisbuxur og kannski bol við. Fann ekkert svoleiðis sem mér fannst fara mér vel.
Kíkti í nokkrar fataverslanir. Sá þar ýmislegt sem kom til greina en ég var ekki sannfærð.
Kíkti í nýja skóverslun. Þar kosta stígvel (ekki gúmmí) 34000. Ég þyrfti þá aðeins að bæta við afmælisgjafirnar.. glætan spætan.
Gekk svo langt að kíkja í Karen Millen. Þar sá ég nákvæmlega ekki neitt sem ég mögulega gæti eytt peningunum í.
Niðurstaða: Fór í Hagkaup og verslaði í matinn og fór út.
Fúlt.
Ég geymi þá bara gjafakortið aðeins því mig langar í nýja vetrarúlpu/kápu. Peninginn nota ég í leikfimisföt. Hugsa að ég kíki í Fitness sport í Laugum og athugi hvað er til þar.

Ég er glöð yfir því að það er komin föstudagur :-)

Kveðja, The big shopper.. eða þannig sko