Gleðilegt ár!

Gleðilegt ár og takk fyrir það gamla.

Við erum búin að hafa það mjög gott um hátíðarnar. Ég er búin að vera í góðu ÁT-Taki og stefni á átak eftir áramót.

Gangið hægt um gleðinnar dyr!

Ármótakveðjur

Þorláksmessa

Þe gardíns are upp!
Ég er rosalega ánægð með útkomuna. Nú eigum við nýja stofu :-) Alveg peningana virði.
Nú eigum við bara eftir að skreyta tréð og svo er smá pakkarúntur á morgun.

Gleðileg jól!

2 dagar í jól!

2 dagar...
Jei... og ég er eiginlega búin að gera allt sem ég ætlaði að gera. Pakkaði meira að segja inn jólapökkunum í gærkvöldi.
Fór áðan og sótti gardínurnar mínar og til að tryggja það að þær fari upp í kvöld keypti ég bor líka til þess að bora upp brautina. Ég er mjöööög spennt að sjá hvernig þetta kemur út.

Bæjó

Föstudagur

Föstudagur, júbbííí!!! Nú er að styttast í jólafríið. Bara jólaballið eftir.
Dagurinn í dag var alveg ágætur. Ég var eiginlega í kirkju allan daginn. Árgangurinn var að sýna jólahelgileikinn í dag í Grensáskirkju. Þau sungu svo vel og þetta heppnaðist fullkomnlega.
Í annarri sýningunni voru áhorfendur úr Safamýrarskóla. Ég viðurkenni það alveg að nokkur tár láku. Sem betur fer sat ég aftast en það voru nokkrir englar sem tóku eftir því að ég tók af mér gleraugun. Æ, mér finnst bara allt í lagi að sína tilfinningar.
Ég fór að hugsa hvað ég væri óendanlega heppin að eiga heilbrigð börn. Ég held að við gleymum að þakka fyrir það í daglega amstrinu.
En krakkarnir mínir stóðu sig eins og hetjur og héldu alveg sínu striki þrátt fyrir nokkur skrítin hljóð í áhorfendunum.

Eftir þrjár sýningar á helgileiknum var smá hlé svo var jólaball hjá leikskólanum í safnaðarheimilinu.

Ég á eftir að jólast mjög lítið. Þetta reddast alveg :-)
Nú er ég bara að bíða eftir gardínunum sem ég pantaði fyrir löngu síðan. Ég ætla að fá þær fyrir jól.

Væmkveðjur frá mér í dag.

2 vikur

Jei... tvær vikur til jóla. Ég var að kíkja yfir jólaminnislistann minn og ég er bara í ágætum málum. Ég á bara eftir að kaupa nokkrar jólagjafir og búa til jólaísinn. Ég er meira að segja búin að fá jólakortin og ég held svei mér þá að ég hafi aldrei verið svona snemma í því. Kannski ég byrji að skrifa um helgina.

Ég er búin að vera í leikfimislægð síðustu vikuna. Þetta er nú ekki nógu gott. Ég sem er nýbúin að fara í mjólkusýrumælingu og kom svo vel út úr henni. Ég er sko efni í ágætis hlaupara. Það skyldi þá aldrei vera að ég gæti verið svona hlaupapæja.... Svona sem ég hef verið að öfundast út í. Svona týpa sem er úti að hlaupa á jóladagsmorgun þegar aðrir sitja með nammiskálina uppi í sófa í náttfötunum að lesa nýja bók.
Nú vantar mig bara púlsmæli! (Er á jólaóskalistanum mínum).

Jæja, ég ætla að horfa á eitthvað.

Gurdan jólagrís

P.S. Það er ekkert grín að vera svín og vera étin á jólunum!!!
Þessi er alltaf góður :-)

Einn góður

Ég held ég sleppi jólakonfektinu í ár...

http://www.flipsided.com/videos/viewvideo/141.php

Montrass með stóru M

http://servefir.ruv.is/dagskra/streaming/default.asp?channel=1&date=2004-12-01&file=4154459

Ég á bara ekki til orð yfir þessu! Þvílíkur montrass og kvenfyrirlitningin... Ég ætla ALDREI að kaupa disk með Krisjáni Jóhanns eða fara á tónleika með honum.
Mér finnst ótrúlega glatað að syngja á styrktartónleikum fyrir krabbameinssjúk börn og taka miljón fyrir. Sama hvað þú heitir.

Punktur og basta.